АТА ЮРТУМ

Автор: Будаева Надия (Салимгереева)

Юртубуздан гетгенли,
Нечесе йыллар гетген.
Бу гёзел юртубузда,
Яш йылларыбыз оьтген.
Ахшам, ахшам орамгъа,
Чыгъа эди халкъ очаргъа.
Къыйынын тынчын айтып,
Гиредилер абзаргъа.
Аранда мал-сыйыры,
Гьар ожакъда бола эди.
Сютден май-бишлякъ этип,
Берекетден тола эди .
Бав-бахчада бола эди
Помидор, хыяр, чита.
Буланы барысында
Сувгъара эди уллуата.
Авлакъгъа барып къызлар,
Дарман отлар жыя эдик.
Сав къышны узагъында,
Чай ичип кеп этедик.
Ичеклени толтуруп,
Иледик гюнжувкъгъа
Къышгъа гьазир бола эди,
Гьалпамагъа, хинкалгъа.
Агъачлыкъда бола эди,
Оьгюземиш, ябушгъан
Буланычы пайдасы
Сав дюньягъа айтылгъан.
Язда янгур явмаса
Сав юрт шапши сала эди.
Шапши салып битгенде
Узакъ къалмай ява эди.
Жиелек жыйма чыкъсакъ
Къала эдик геч болгъунча.
Этип жиелекден компот
Иче эдик къангъынча.
Май байрам бола десе
Яшнап къала эди орам.
Къырлагъа акълар чавуп
Бола эди уллу байрам.
Язлыкъ каникулларда
Бара эдик биз денгизге
Эки-уьч гюн онда туруп,
Къайта эдик уьйюбюзге.
Гюзде сабан сюрюлюп
Будайлар чачыла эди.
Гьабиждайланы оруп
Уьйлеге къайтара эди.
Эрпели ата юртум
Юрегиме бек ювукъ.
Къышыбыз бола эди
Оьтесиз сувукъ сувукъ.