«Мен къумукъман»

Автор: Агьмат Джачаев

Мен къумукъман, шогъар оьктем юрегим.
Мен къумукъман Къумукъ тюзде тувгъангъа,
Къумукъ ана чайкъагъангъа бешигим,
Ёлакъ бетим къумукъ ана жувгъангъа.
Гёзсюз эдим — гёз берген де къумукъ халкъ.
Айырсын деп мен акъ булан къараны.
Сёзсюз эдим — сёз берген де къумукъ халкъ,
Сёз тапсын деп сав этердей яраны.

Къумукъ болмас менден,тилим таптасам,
Къумукъман деп къычырсам да нечакъы.
Мен къумукъман къумукъ тилде тап — таза
Сёйлеп болар авлетлерим бар чакъы.